El Conceyeiru d'Educación, Abel Pardo Fernández, diou nuncia guei a la prensa llocal de que nel nuevu cursu escolar 08/09 que ta a escomencipiare, la llingua llïonesa tará ufiertada cumu autividá estraescolar en tolos colexos de la ciudá de Llión.

El conceyeiru llïonesista surrayóu que la preba pilotu rializada durante'l pasáu cursu nos colexos "Quevedo" y "Antonio Balbuena" fou un ésitu dafeichu, cun una participación d'alunos que superóu enforma las espeutativas asperadas de manu, poru, nel prósimu añu daráse outru pasu históricu nel procesu de normalización llinguística, garantizandu que tolos alunos d'educación primaria que quieran puedan deprender la llingua vernácula del País Llïonés.

Abel Pardo avanzóu tamién qu'en cursos escolares posteriores se procederá tamién a la implantación de la llingua llïonesa nel ensiñu mediu.